१०१ व्यावसायिक यंत्र उत्पादक – यशस्वी उद्योजकांसाठी मार्गदर्शक

Description

          आपण हे ईबूक डाउनलोड करून  घेतले याचाच अर्थ आपल्याला व्यवसाय करण्याची तीव्र ईच्छा आहे, आपल्या मनात व्यवसायच बीज हळूहळू रुजत चालल आहे, हे दिसून येत. या उद्योग जगतात आपलं हार्दिक हार्दिक स्वागत आणि मनोपूर्वक अभिनंदन. व्यवसाय आज म्हटलं की लगेच उद्या सुरू होत नाही. जिद्द, चिकाटी व मेहनत या त्रिसूत्रांची व्यवसायात तग धरून राहण्यासाठी आवश्यकता असते. कष्ट घेण्यासाठी मनाची पूर्ण तयारी करावी लागते. तुम्ही व्यवसाय करण्याचा निर्धार केलाच आहे तर मग आता मागे वळून पाहू नका. आपण व्यवसाय करायचच हि जिद्द ठेऊनच  रणांगणात उतरा, एकदा रणांगणात उतरलात की डावपेच कसे आखायचे, हे तुम्ही शिकता. ते डावपेच कसे खेळायचे ही परिस्थिती त्यावेळी तुम्हाला शिकवते. एकदाका डावपेच खेळायला शिकलात की, यश आपलेच आहे, यावर विश्वास ठेवा. एकदा व्यवसायात गुंतलात की नोकरी करायचे विसरून जाल कारण व्यवसायात आपल्या हातात सतत पैसा खेळत राहतो.

          मी हे पुस्तक माझ्या नऊ वर्षांच्या अनुभवातून आणि आलेल्या प्रसंगातून लिहिलं आहे. मला लिखाणाची फार आवड होती. मी लहान मुलांना छोटी छोटी नाटके, एकांकिका लिहून देत होतो आणि त्यांच्या नाटकांना मीच दिग्दर्शन करत होतो. ती लहान मुले त्यांच्या शाळेत हे नाटक किंवा एकांकिका सादर करत, आणि छान झाल्याच मला सांगत. आपलं लिखाण चांगलं आहे याचं मला अभिमान वाटे. मी कथा लिहित असे. चित्रपटांच्या कथा लिहित असे. एकदा माझ्या आजोबांनी सांगितलेली “चतुर धोंडया” ही गोष्ट “सामना” या वृत्तपत्रात छापून आली होती. घरात, आजूबाजूला व मित्रांमध्ये माझं कौतुक झाल. मी “उपाशी वऱ्हाडी” हे मराठी नाटक १९९५ मध्ये लिहिलं होतं. या नाटकाचे दोन प्रयोग डिसेंबर १९९६ आणि जानेवारी १९९७ रोजी अनुक्रमे शिवाजी मंदिर व दामोदर हॉल या नाटयगृहात सादर केले. या नाटकात दोन तीन कलाकार सोडले तर बाकी सगळे आमच्याच घरचे होते. या नाटकात प्रमुख भूमिका करणाऱ्या हिरोची आई सापडत नव्हती. माझ्या मित्रांनी माझ्या पत्नीला आईचा रोल करण्याची विनंती केली. माझी पत्नी त्यावेळी गरोदर असताना देखील ही जबाबदारी तिने आनंदाने स्विकारली. तिने सादर केलेल्या कलेला माझ्याकडे शब्दच नव्हते. लोकांचा या नाटकाला उत्फुर्त प्रतिसाद मिळाला. माझ्या लिखाणाला नेहमीच लोकांनी दाद दिली आहे.

          बऱ्याच नवीन व्यावसायिकांना व्यवसाय करण्याची फार मोठी ईच्छा असते. परंतु त्यांच्याकडे योग्य ती माहिती उपलब्ध  नसल्यामुळे त्यांचे स्वप्न अर्धवट राहते. त्याचप्रमाणे त्यांना कोणत्या ना कोणत्या वस्तूचे उत्पादन करून स्वत:च्या उत्पादनाचे ब्रॅंड करून आपल्या जिवनामध्ये पुढे जायचे असते. हे ईबूक लिहिण्यामागे माझे दोन उद्देश आहे ते म्हणजे मशिन उत्पादकांचा माझ्या ईबूकच्या माध्यमातून व्यवसाय वाढावा व दुसरे म्हणजे नवीन व्यावसायिकांना उत्तम व चांगल्या प्रतिच्या मशिन उपलब्ध व्हाव्यात. त्यामुळे नवीन व्यावसायिकांना “१०१ व्यावसायिक यंत्र  उत्पादक” या ईबूकचे मार्गदर्शन फार मोलाचे ठरणार आहे. त्याचप्रमाणे ९५% मराठी यंत्र उत्पादक यांचे पत्ते व संपर्क क्रमांक दिले आहेत त्यामुळे व्यवसाय करू इच्छिणाऱ्या मराठी तरुणांना उत्तम व चांगल्या दर्जाचे यंत्र उपलब्ध होतील.

माझे हे पुस्तक आपल्याला कसे वाटले ते मला कमेंटमध्ये लिहून कळवा आणि माझ्या पुस्तकाला रेटिंग द्या.

धन्यवाद !

रविंद्र वि. नागांवकर

✍️ लेखक